6/9/12
III CONCURSO DE PERLAS PONTEAREANAS
Porque non hai dous sen tres, e porque a nosa corporación municipal segue sendo a mesma e igual de incompetente, o Ateneo Libertario Lume Negro convoca o terceiro concurso de Perlas Ponteareanas. Hainas e moitas, esperamos que vos animedes e que participedes nesta terceira edición do concurso.
5/9/12
30/8/12
27/8/12
O Ateneo no Festival da Poesía do Condado
Outro ano máis o Ateneo Libertario Lume Negro vai a participar cun posto propio no Festival da Poesía do Condado. Podedes atopar máis información sobre o festival, programa, etc neste enlace
4/8/12
Publicación @periódica Nº 22
Pódese ver e descargar a última publicación aperiódica "Lume Negro"
Lume Negro Xullo 2012 _biomasa Mondariz
Lume Negro Xullo 2012 _biomasa Mondariz
26/7/12
Charla informativa sobre o proxecto de planta de biomasa de Mondariz
Terá lugar o vindeiro sábado 28 de agosto ás 21:30 no baixo da Casa Reitoral (ao lado da Igrexa).
21/7/12
Xa é público o proxecto de planta de biomasa de Mondariz
Este pasado xoves 19 de xullo fíxose público o proxecto de planta de biomasa de Mondariz mediante a Resolución do 15 de xuño de 2012, da Xefatura Territorial de Pontevedra, pola que “se somete a información pública a petición de autorización administrativa e a aprobación do modificado do proxecto de execución dunha planta de xeración eléctrica a partir de biomasa forestal primaria no municipio de Mondariz”.
O proxecto inicial contemplaba a localización de Ribadetea en Ponteareas. Tras ano e medio de loita social e de mobilización de diferentes colectivos, cun papel relevante do Ateneo, a empresa solicitou un cambio de localización do proxecto de planta o que é unha vitoria dos veciños e das veciñas ademais dos colectivos que se mobilizaron contra o proxecto de planta de biomasa en Ribadetea.
Agora é un momento importante no que cómpre posicionarse en contra desta modificación do proxecto e organizarse novamente contra esta loucura biomásica.
No novo proxecto determínase que se recollerían, como no caso de Ribadetea, 24.000 litros de auga diarios desde o Río Tea un espazo incluído na Rede Natura 2000 que se bombearían ate a localización prevista da planta. (tendo que salvar un desnivel de 150 metros...)
O proxecto forma parte do Concurso de biomasa desenvolvido a través do Decreto 149/2008 e tería unha potencia de 10 MW, o máximo permitido pola lexislación autonómica, cun consumo máis de 700.000 litros de auga ao mes, e precisaría dunhas 300 Toneladas diarias de biomasa o que favorecería o uso intensivo de cultivos enerxéticos (só destinados á súa queima) na Comarca coas consecuencias gravísimas que acarrearían para os montes do Condado.
Desde o Ateneo Libertario Lume Negro continuaremos, como vimos facendo desde que tivemos coñecemento do proxecto, coas tarefas de información á veciñanza e destapando as mentiras e a irracionalidade dun proxecto destas características.
2/7/12
Importante victoria no conflito polo proxecto de planta de biomasa
Tras ano e medio de
loita da veciñanza e dos movementos sociais ponteareáns
(fundamentalmente realizada por parte do Ateneo Libertario Lume Negro e
da Asociación Ecoloxista ADENCO) acábase de lograr unha primeira
importante victoria no conflicto. A semán pasada de xeito oficial
tivemos constancia de que a empresa promotora ENGABIOMASA ten renunciado
á localización de Ribadetea (Ponteareas) e vai tentar agora instalar a
macroplanta no lugar de A Lagoa en Mondariz. Nos vindeiros días ou semanas vai a saír a información pública sobre a nova localización no boletín oficial da provincia e no diario oficial de Galicia.
Sen lugar a dúbidas é un paso importante pero o conflicto non vai a recuar.....
As
320 toneladas de biomasa que precisaría queimar cada día, os 24.000 litros de auga
diarios que consume, as emisións que provocaría, os impactos na saúde, o
tráfico pesado, os cultivos enerxéticos asociados a un proxecto desta
natureza, as 8.000 horas de funcionamento, a exportación de enerxía
eléctrica de galiza ao resto da península, etc.... son motivos máis que
suficientes para continuar a
loita contra este macroproxecto incinerador dos nosos recursos e dos nosos
montes....
Desde o Ateneo Libertario Lume Negro continuaremos coas tarefas
informativas sobre todo o concerniente con esta clase de instalacións e animamos á
veciñanza de Mondariz a organizarse contra este proxecto.
Nin en Ribadetea, nin en Mondariz!
10/6/12
A la Iglesia y al Capital, exención fiscal
Nova creación de Audiovisuais Lume Negro (presentada nas V Tardes Libertarias - 2012)
7/6/12
Valoración das V Tardes Libertarias
Pasada a nosa V Tarde Libertaria compre facer unha valoración dos seus resultados, e compre en primeiro lugar deixar claro que esas tardes que sempre foron dúas e plurais foi esta vez unha e singular contra a nosa vontade: por motivos que aínda non coñecemos un dos grupos cuxa presenza estaba prevista e comprometida desde hai dous ou tres meses, deixou de contestar os nosos correos, e, ao final, non asistiu, unha das dúas tardes quedou truncada e tivemos que organizar a programación en función deste imprevisto.
Houbo ademais outro problema nestas tardes, veu dado pola negativa do Concello a ceder o auditorio de xeito gratuíto á persoa que o solicitou no noso nome. Nós entendemos que como veciños temos dereito a usar un local público sen contrapartida económica cando non nos move lucro de ningunha clase, iso foinos negado; o concello entende que temos que pagar, argumente o que argumente (aínda non temos resposta oficial e por escrito a nosa reclamación, nela solicitabamos tamén como local alternativo e gratuíto o salón de plenos), parécenos fora de lugar non concedérmolo e talvez o asunto non remate aquí. O caso é que coa amabilidade dos propietarios do que foi o Enigma Café Bar, resolvemos ese atranco e tivemos local e tarde libertaria.
A valoración do resultado, non obstante, é moi positiva, o nivel dos grupos nas súas exposicións deixámolo en excelente; consideramos un acerto ter escollido grupos que traballan no noso entorno máis inmediato, non só porque responde á nosa filosofía de que non vale tanto incidir en asuntos que quedan lonxe como tratar de facelo nos lugares polos que se move cada quen, iso puido ter influído na asistencia, que estivo preto das nosas mellores expectativas, e o feito de que na asemblea teñamos analizado algúns aspectos (protocola-rios ou de organización, pero de non moito calado) acaso mellorables, non quita brillantez a esta tarde algo accidentada na súa xestación pero que foi vivida con ganas e con ilusións renovadas como non podía ser doutra forma.
Houbo ademais outro problema nestas tardes, veu dado pola negativa do Concello a ceder o auditorio de xeito gratuíto á persoa que o solicitou no noso nome. Nós entendemos que como veciños temos dereito a usar un local público sen contrapartida económica cando non nos move lucro de ningunha clase, iso foinos negado; o concello entende que temos que pagar, argumente o que argumente (aínda non temos resposta oficial e por escrito a nosa reclamación, nela solicitabamos tamén como local alternativo e gratuíto o salón de plenos), parécenos fora de lugar non concedérmolo e talvez o asunto non remate aquí. O caso é que coa amabilidade dos propietarios do que foi o Enigma Café Bar, resolvemos ese atranco e tivemos local e tarde libertaria.
A valoración do resultado, non obstante, é moi positiva, o nivel dos grupos nas súas exposicións deixámolo en excelente; consideramos un acerto ter escollido grupos que traballan no noso entorno máis inmediato, non só porque responde á nosa filosofía de que non vale tanto incidir en asuntos que quedan lonxe como tratar de facelo nos lugares polos que se move cada quen, iso puido ter influído na asistencia, que estivo preto das nosas mellores expectativas, e o feito de que na asemblea teñamos analizado algúns aspectos (protocola-rios ou de organización, pero de non moito calado) acaso mellorables, non quita brillantez a esta tarde algo accidentada na súa xestación pero que foi vivida con ganas e con ilusións renovadas como non podía ser doutra forma.
19/5/12
V Tardes Libertarias. 26 Maio 2012
Ven e participa nas
V TARDES LIBERTARIAS
Este ano tratan sobre
REALIDADES POSIBLES SEN CAPITALISMO
26 maio 2012, Ponteareas (Pontevedra)
26/4/12
11/4/12
Espazo Aberto Antimilitar: Campaña pola Obxección Fiscal aos Gastos Militares
Dende o Espazo volvemos a promover outro ano máis a campaña pola Obxección Fiscal aos Gastos Militares, que este ano centramos na industria militar: "Pola mesma razón que a industria do turismo necesita turistas, a industria armamentística precisa das guerras, dos conflitos e das amenzas á seguridade para colocar os seus produtos; necesita violencia, medo e mortos"Deste xeito o venres 13 de abril convidamos a que asistades á charla-presentación que leva por título: "Industria militar, un negocio sen crise". Contaremos coa presenza de Jordi Calvo, membro do "Centre d'Estudis per a la Pau JM Delás de Justicia i Pau" que presentará o último informe "La banca armada. Inversiones explosivas de bancos y cajas" ademais de nos falar do negocio da guerra no estado español.
Ademais o acto servirá para presentar a campaña 2012 pola OF aos Gastos Militares que lanzamos dende o Espazo Aberto Antimilitar.
O acto será o venres 13 abril ás 20h00 na Cova dos Ratos (Romil 3 baixo - Vigo)
Suscribirse a:
Entradas (Atom)