27/11/12
Otra Perlita Ponteareana más
Ahí va esta nueva Perla Ponteareana dedicada a las excelencias turísticas de este Concello.
No olvidéis de darle volumen a los altavoces, porque este archivo tiene sonido.
Enviado por Putoflauta
No olvidéis de darle volumen a los altavoces, porque este archivo tiene sonido.
Enviado por Putoflauta
26/11/12
Perla Ponteareana
Mando esta perla ponteareana para participar no concurso. Trátase dunha serie de tres viñetas que aluden a situacións cómicas, pero moi reais, relacionadas cunha inefable personaxe deste pobo.
23/11/12
CHARLA SOBRE AS PRANTAS DE BIOMASA
21/11/12
ZANON VICTORIA DOS OBREIROS
Os obreiros da cooperativa FaSinPat (fábrica sen patróns) de Neuquen recibiron o venres 19 de novembro o decreto do poder executivo provincial Nº 2977, que oficializa a expropiación de cerámicas zanon. Esta medida descarta calquera ameaza de desaloxo para os traballadores .
26/10/12
PonteDocu de Novembro
Este vindeiro xoves día 1 de novembro ás 21.00 horas, no Enigma café-bar, teremos unha nova proxección do PonteDocu. Esta vez o tema elixido son os medios de comunicación. Veremos:"Cuarto poder, os medios na sociedade da información", é unha análise rigorosa das estruturas mediáticas e dos seus intereses económicos e ideolóxicos que pon ao descuberto os mecanismos ocultos destas enormes máquinas de seducción.
5/10/12
Xa temos a primeira Perla Ponteareana .
Hola, envío este vídeo que leva uns tres meses na rede. Paréceme
que é unha Perla da Policía de Ponteareas, e do seu concelleiro de tráfico, cando lles deu por multar na Praza Maior, ainda que, como se ve no vídeo, non a todos.
Pidovos
desculpas pola calidade da imaxe que non é moi boa, era o único móvil a man nese intre.
Un saudo,
Enviado por: “O Lacazán
de Ribadetea” (e non son o
Alcalde)
2/10/12
Abstención activa
6/9/12
III CONCURSO DE PERLAS PONTEAREANAS
Porque non hai dous sen tres, e porque a nosa corporación municipal segue sendo a mesma e igual de incompetente, o Ateneo Libertario Lume Negro convoca o terceiro concurso de Perlas Ponteareanas. Hainas e moitas, esperamos que vos animedes e que participedes nesta terceira edición do concurso.
5/9/12
30/8/12
27/8/12
O Ateneo no Festival da Poesía do Condado
Outro ano máis o Ateneo Libertario Lume Negro vai a participar cun posto propio no Festival da Poesía do Condado. Podedes atopar máis información sobre o festival, programa, etc neste enlace
4/8/12
Publicación @periódica Nº 22
Pódese ver e descargar a última publicación aperiódica "Lume Negro"
Lume Negro Xullo 2012 _biomasa Mondariz
Lume Negro Xullo 2012 _biomasa Mondariz
26/7/12
Charla informativa sobre o proxecto de planta de biomasa de Mondariz
Terá lugar o vindeiro sábado 28 de agosto ás 21:30 no baixo da Casa Reitoral (ao lado da Igrexa).
21/7/12
Xa é público o proxecto de planta de biomasa de Mondariz
Este pasado xoves 19 de xullo fíxose público o proxecto de planta de biomasa de Mondariz mediante a Resolución do 15 de xuño de 2012, da Xefatura Territorial de Pontevedra, pola que “se somete a información pública a petición de autorización administrativa e a aprobación do modificado do proxecto de execución dunha planta de xeración eléctrica a partir de biomasa forestal primaria no municipio de Mondariz”.
O proxecto inicial contemplaba a localización de Ribadetea en Ponteareas. Tras ano e medio de loita social e de mobilización de diferentes colectivos, cun papel relevante do Ateneo, a empresa solicitou un cambio de localización do proxecto de planta o que é unha vitoria dos veciños e das veciñas ademais dos colectivos que se mobilizaron contra o proxecto de planta de biomasa en Ribadetea.
Agora é un momento importante no que cómpre posicionarse en contra desta modificación do proxecto e organizarse novamente contra esta loucura biomásica.
No novo proxecto determínase que se recollerían, como no caso de Ribadetea, 24.000 litros de auga diarios desde o Río Tea un espazo incluído na Rede Natura 2000 que se bombearían ate a localización prevista da planta. (tendo que salvar un desnivel de 150 metros...)
O proxecto forma parte do Concurso de biomasa desenvolvido a través do Decreto 149/2008 e tería unha potencia de 10 MW, o máximo permitido pola lexislación autonómica, cun consumo máis de 700.000 litros de auga ao mes, e precisaría dunhas 300 Toneladas diarias de biomasa o que favorecería o uso intensivo de cultivos enerxéticos (só destinados á súa queima) na Comarca coas consecuencias gravísimas que acarrearían para os montes do Condado.
Desde o Ateneo Libertario Lume Negro continuaremos, como vimos facendo desde que tivemos coñecemento do proxecto, coas tarefas de información á veciñanza e destapando as mentiras e a irracionalidade dun proxecto destas características.
2/7/12
Importante victoria no conflito polo proxecto de planta de biomasa
Tras ano e medio de
loita da veciñanza e dos movementos sociais ponteareáns
(fundamentalmente realizada por parte do Ateneo Libertario Lume Negro e
da Asociación Ecoloxista ADENCO) acábase de lograr unha primeira
importante victoria no conflicto. A semán pasada de xeito oficial
tivemos constancia de que a empresa promotora ENGABIOMASA ten renunciado
á localización de Ribadetea (Ponteareas) e vai tentar agora instalar a
macroplanta no lugar de A Lagoa en Mondariz. Nos vindeiros días ou semanas vai a saír a información pública sobre a nova localización no boletín oficial da provincia e no diario oficial de Galicia.
Sen lugar a dúbidas é un paso importante pero o conflicto non vai a recuar.....
As
320 toneladas de biomasa que precisaría queimar cada día, os 24.000 litros de auga
diarios que consume, as emisións que provocaría, os impactos na saúde, o
tráfico pesado, os cultivos enerxéticos asociados a un proxecto desta
natureza, as 8.000 horas de funcionamento, a exportación de enerxía
eléctrica de galiza ao resto da península, etc.... son motivos máis que
suficientes para continuar a
loita contra este macroproxecto incinerador dos nosos recursos e dos nosos
montes....
Desde o Ateneo Libertario Lume Negro continuaremos coas tarefas
informativas sobre todo o concerniente con esta clase de instalacións e animamos á
veciñanza de Mondariz a organizarse contra este proxecto.
Nin en Ribadetea, nin en Mondariz!
Suscribirse a:
Entradas (Atom)