26/4/09

A NOSA VALORACIÓN DAS II TARDES LIBERTARIAS

A pasada fin de semana celebráronse as segundas tardes libertarias organizadas polo Ateneo en Ponteareas, co lema A educación…¿libre?
Na tarde do venres proxectouse o documental Viva la Escuela Moderna, no que se expoñen a vida e as bases teóricas do modelo de escola de Ferrer i Guarda. A seguir, contamos coa presenza de Pedro García Olivo, personaxe controvertido e polémico cuxas palabras non deixaron indiferente a ninguén, estivese ou non de acordo cos seus puntos de vista.

A sesión do sábado comezou coa intervención do grupo de Madrid La Prospe, cunha orixinal forma de exposición do seu movemento (eran eles os que facían as preguntas e non o público), que deu lugar a un debate moi intenso, á vez que dinámico.

Para rematar, os membros do colectivo de Huesca La Cigarra Libre faláronnos do seu proxecto de “superacampadas” para nenos e maiores nun ambiente non autoritario no que aprender a decidir e compartir as responsabilidades entre todos.

Queremos manifestarlle a nosa gratitude a tódolos grupos e persoas a título individual que coa súa presenza e colaboración fixeron posible a celebración destas tardes libertarias.
Así mesmo agradecemos a asistencia de público que, aínda que non foi demasiado numeroso, estaba realmente interesado tanto no tema das xornadas, coma no debate en si mesmo.
Finalmente, a nosa última reflexión é para tódolos medios de incomunicación, sobre todo os comarcais, ós que non lles queremos agradecer a súa non-colaboración e non-difusión dun asunto tan relevante para a sociedade como é a educación.

4/4/09

QUE E PARA TI A EDUCACIÓN?



II TARDES LIBERTARIAS

Se queres coñecer outras formas de entender
o ensino, participa nos actos que temos preparados
para os vindeiros 17 e 18 de Abril.